"الدين افيون الشعوب"
كواحد علماني/اشتراكي قالها ف احنا فهمين كره لفكرة الاديان اصلا.
و من 4 سنين كده كنت شايفة الجملة ده صح جدا .
بس دلوقتي لا ,نقدر ن rephrase سيكة أو ن investigate فيها أكثر .
لما اتقالت كان قصده ان العيب في الدين و انه بيلغي العقول و بتمشي مغمي عينك و تكره و تعنصر ع اساسهم .
بس الحقيقة العيب مش في الدين خالص ,العيب في رجال الدين في رأي اللي بينقلو الكلام و المعاني و الاستشهادات النصية .
الاديان عمرها ما بتقولك متشغلش دماغك و الغيها و عنصر ع غيرك و اكره و اقتل اللي تشوفه قدامك و ان الوحيد اللي ليك احقية و انك احسن من غيرك كده و انت حاطط رجل ع رجل أو فكر القبلية و تطلع ع كتاف غيرك ...الخ.
في رأي المشكلة في كثير من رجال الدين اللي بيقطعه و يقصه ايات من سياقها و يحور معناها و يقولوا لك ايات معينة و يخفوا عنك ايات اخري أو يصدرلك معني معين يخدم حاجة هو عايزها أو هو يدعمها .
الدين بيستخدم كسلطة عليا تطاع من خلال يد بشرية بتدي لنفسها لسان الله ع الارض , و اللي هو مين اداك ده اساسا يا بشري يا خطاء زينا كلنا(ده مش بيقلل منه بس بيحطه في مكانه) .
-انا مش بقول كل رجال الدين كده بس في ناس منهم كده بيستخدم الدين كواجهة له عشان يخدم مصالحه و يقلب الناس ع بعض و يزود العنصرية .
No comments:
Post a Comment