في مفهوم ربنا يبارك لمن قاله لي .

متفتكرش حاجة كويسة انت عملتها فهي منك .

الخير من الله هيزل علي عباده كده كده

بك من غيرك ربنا هيوصل خيره و دعمه و مسااعدته لعباده و للبشر.

لو مفيش بشر جدير بده ، هيخلقهم و يوصلها .

بجن انس ملائكة هيوصل للربنا عايز يعطيه .

انت ك انسان انت ... انت اولى ان تكون وسيلة ايصال الخير من ربنا للناس .

انت اولي صدقني

 كلمة واقفة في زوري .

سنة الله في الأرض هو تدافع الخير و الشر.

كل يوم الخير و الشر يزقه في بعض.

من ساعة ما اتخلقنا و في جزيرتين مبشفش اي تقاطع بينهم هم الخير و الشر ، مفيش منطقة رمادي بينهم .

في حاجات مش واضحة في انهي جزيرة بس هي في الاخر بتنتمي لجزيرة منهم .

هيفضل السؤال في كل قضية تقابلك ، انت هتقف في أنهي جزيرة؟

 Hitler

ايامه كان امر في الاذاعة كلام معين يتقال كل يوم.

الكلام ده الناس في الاول كانت بتستهزئ بيه و يسمعوا و يضحكوا .

لحد ما في يوم بقي يستدله بالكلام اللي بيتقال في خطبة الاذاعة .

العقل البشري مبرمج علي تقبل التكرار ، لو في الاول فكرة ساذجة و غير منطقية فمع تكريرها علي اذنك و عينك و علي حواسك ، بتبدأ تتبناها انت في غير وعي انها حقائق و مثبتة .

الزن علي الودان امر من السحر.

 لو سمحت خد بالك من كلامك و لو علي سبيل السخرية .

من سنين الناس كان بتسخر من كلام الاحتلال و اغتصاب البيت و الاراضي, و بيرده بتهكم ان "اه معلش الفلسطينيين باعوا أرضهم",

الرد كان مقصود به التهكم و السخرية منهم , مع تكراره الناس نسيت انه كانت تهكم و غير مبني علي اي شئ صحيح , و تداولته علي انه حقيقة !

السخرية و التهكم قلب انه حقيقة مجردة انت متخيل ؟!

الناس نسيت و بقي الكلام.....

 الانسان يميل انه يكون تابع لأنه اسهل و أقل جهد في التفكير , التفكير فيه فرهدة بس for good.

لو عايز تضرب أي فكرة في مقتل أو تنيم قضية .. اعتقل او استهدف رأسها أو قائدها أو مفكرها أو صاحب الكلمات المؤثرة او الشجاع او صاحب الصوت.

بس ان شاء الله, الله بجانب الحق ده اللي يطمن متيأسوش , كلنا مني الكرد و محمد الكرد.

 ‏لا يزال المرء أميا حتي يدرك مدي جهله.

متي آمن المرء بفكرة رأي الكون كله من خلالها .

أنار الله بصيرتنا وقلوبنا.

 حاجة محشورة في زوري بس عن بوست الدحيح بصرف النظر ان اصلا معارضتنا علي المنصة مش هو و أنا مقاطعة و هقاطع و لو لوحدي مش فارقة معايا كل واحد حر بس فكر و بلاش العاطفة البحتة .

بس جملة " أصلي مليش في السياسة"

هو هروب تكتيكي لكل اللي عايز يهرب من موضوع ضميره صعب يتحمله .

فلسطين أصلا مش قضية سياسية و لا شوية حكومات بتتخانق ، ده شعب بيدوس علي شعب ثاني بلا رحمة ولا قلب لاكثر من ٧٣ سنة .

متضحكش علي نفسك و لا عليا ولا علي الناس .

اللي عايز يقفل عنيه و قلبه و ضميره و عقله يقفل بس بلاش كلام متزوق تلف تدور به علي نفسك .

كل حياة و روح علي الكوكب ده تهمني فلسطين ايجور ازربجان و ولو دولة معرفهاش ، كل مظلوم علي الكوكب ده فارق معايا سواء بيني و بينهم اي حاجة مشتركة ولا لا .

لو ملكش مبدأ و لا قضية مفيش دين هيقدر يعلمك ده لانك برده هتتغافل عنه.

 لأجل الحقيقة أنا مش حد بيزور دور الأيتام بانتظام و أنقطع كثير أوي عنهم عشان مدعيش حاجة أنا مش عليها .

بس لما ربنا بيكتبلي و بروح في حاجة هناك مميزة , في أجواء و شعور و دفء وسطهم مريح مطمئن ,

ربنا يهدي لهم ادارة الدور و يجعلهم رحماء امناء عليهم ,

بس قصدي الاطفال نفسها في هالة و روح حوليهم طاهرة و في غاية الجمال مهما كان اشقياء و في فرك دائم ,

I really do encourage everyone

انك لو حابب تكون علي اتصال بهم و زيارتهم و تلعب معاهم , القعاد معاهم و تسمعهم و الاهتمام النفسي محتجينه زي الدعم المالي ...و ممكن أكثر .

 العقل عايز علم عشان يفضل حي , الروح عايزة اتصال بخالقها عشان تفضل عايشة.

 ريهام الصغيرة

شكرا علي ال 4 years

Free from soft drinks .الحمد لله

عقبال الحاجات الاخري ال toxic عشان منتعبش مع بعض

With love Shouman

 كان عندي اعتقاد ساذج برئ كده ،

انك لو ناقشت حد بالأدب و المنطق و الأدلة سهل تقنعه أو علي الاقل النقاش يبقي مثمر و مفيد بلا تقاذف كراسي.

الحقيقة لو أنا و أنت معندناش استعداد أصلا و رغبة داخلية للمعرفة فهيهات و الله .